منتديات بنت السعوديه

السلام عليكم ورحمة الله وبركاته

كيفكم واخباركم


الموهيم

يوم الاربعاء مسكت خط الخبر الرياض ومعايه4 من الشباب

وطبعا كالعاده بداية الطريق بصمت همن وقفت عند محطه دامني انا اللي اسوق
وعبيت بنزين فل (( كامل التانكي يعني )) والشباب ماقصروا راحوا السوبر ماركت
ويوم ركبوا السيارة وانا اللي اقلب بالاكياس للاسف مافيه شي عدل جايبين

كيك يمامه << ادري مغبرين ياقدمهم
شيبس البطل << ماادري وشو له :31:
ميرندا توت << طعمها تقل علاج خخخخخخخ :42:
شريط اصاله سواها قلبي << البلا من الغباء الشريط معي بالدرج ماادري ليه ثاني :31:
ولاعه << هذا واحد من الربع يقول بيكشخ فيها
الموهيم قلت لهم بااختصار ماعندكم سالفه ونزلت مسوي فيها رحت السوبر ماركت

وشريت لي

بايسن و باونتي وكتكات وجريده الرياضيه
ولازم اسوي جولة على محلات الطرب وانا ادخل محل الاغاني واطالع في الشرطه
ولا تطيح عني على بنت بس بلاكم ماشفتوها تطلع فيني وتتمايل يمين ويسار تقل فيها ام الركب خخخخخخخخخ :30: ماعطيتها اهتمام << احلى يالثقيل ورجعت شفت لي شريط كسرات منوع جديد وانا اخذه واجي احاسب واشوف البنت تطالع فيه نظره حب :9: وانا اللي اعطيها نظره استحقار قويه لفت وجهها وقالت اوووف بصوت واطي
ويدخل ابوها المحل وانا اللي اقول احم احم لو سمحت ممكن شوي وجاء الشايب قال أمر تبي مني شي قلت سلامتك بس دير بالك على بنتك لايلعب عليها الشيطان تطالعني بنظرات حب وخرابيط بس احمد ربك اني مانيب راعي حركات وإلا بنتك راح فيها وعيال الحرام كثير وانتبه قال مشكور جزاك الله خير قلت لا ابدا ماسويت شي غير الواجب ...... ورحت وسفهت البنت
يوم طلعت السيارة قلت لهم القصه البطوليه خخخخخخخخ :60: والموهيم كملنا الخط ووناسه واغاني وطرب ويوم وقفنا نصلي الفجر داخل واحد منا الحمام (( وانتم بكرامه )) ويوم خرج خايف ومتوتر قال له واحد من اخويياي سلمات خالد علامك متروع
قال لابس فيه سحر بالحمام ... انا اتروعت بعد قلت سحر ؟؟؟؟ قال ايه قلت عزالله اخذنا اجر على الجمعه نوديه للهيئه هم يفكونه قال بس مين بيشيله والله مااشيله لو تموت ياوليد قلت لاتشيله انا بشيله ياجبان قال احنا وش علينا من السحر قلت يادلخ يمكن واحد مريض بسبب السحر هذا ويتشافى من مرضه بعض مناقشات حاده
رحنا كلنا نشوفه إلا واحد خاف يروح هههههههههههه
تدرون ايش طلع ؟؟؟؟؟؟؟؟؟؟؟ مو سحر طلع فواحه للحمام ضد الروائح خخخخخخخخخخخخخخخخخخ

واحنا مسويين خطط واجر واخرتها فواحه




يلا عاد الردود السنعه