منتديات بنت السعوديه

الوحداوية

مشكورة على هذا السؤال ........اتمنى لو الزمن رجع للوراء ان تكون حال الامة احسن واقوى

ضوء

[ بسم الله الرحمن الحيم
لو ان الزمن يرجع الى الوراء لتمنيت ان اكون من صحابة رسول الله الكريم صلى الله عليه وسلم .
وهناك عمل واحد ندمت عليه وكان بملئ ارادتي وهو حب دام ستة سنين وعندما اصبحنا على ابواب العرس وجدت نفسي احب امراة لاتعرف للحب معنى

ألطيف

السلام عليكم ,,,,,,,,,,,,,,,,,,,
اتمنى ان الزمن يعود الى زمن اجدادي لانه زمن صدق واحترام وزمن تعاون من غير مصلحه
الشي اللي ندمت عليه هو تخصصي الدراسي تمنيت ان يكون افضل من الان ولكن الحمدلله على كل حاااااااااال
وشكرا من طيوووووووووووووووف

دلوعة أهلها

فية أشياااااااااااااااااء كثيرة
خلينا ساكتين احسن

مشتاقه لطفل

لو الزم يرجع لورى ياخوي ..........

أشياء كثيرة ودي اغيرهااا........أولها اكون صارمة بمواقف معينة وما اتنااازل عن من غلط بحقي أو حق أهلي جعله يكووووووون كبر جد جد جد ابوي ..........لأنه غلط وساامحنا ورد غلط وسامحنا ثانية لكن طلعو مو كفوووووو وردو لغلطهم ثانية وكاابرو..........(((الزمن فيه ناااااس مدري وش تبي )))))

وبعدين راح اترك الطيبة بكوكب ثااني مابيهااا ...... ومن نساني راح انسااه كاافي عتب

أنا الان عندي أهم شي اشوف رضى ربي.. ووالديني ...وضميري... اللي من الناس يزعل من راسه الله يستر عليه....

والله ياخوي لو بظل اكتب راح يصدع راسك ........

<<<<<<<<<<<تحس انها طولتهااا لكن وش تسوي ...فتحت يااخوي موضوع خليتني افضفض باللي بخاطري ..مع ان اللي بخاطري واجد عن الأمر هذا ..........

مشكوور ياخوي ... تقبل مروري

أختك........

فراشة المحبه

السلام عليكم
مشكور اخوي على الموضوع الرائع


بس بقيت اقوال ان كل انسان يندم وكل انسان يشقاا في هذي الدنيا
حتى انا ندمت على كل كلمه قالوها لي الناس كانو يقوالون اني متكبر
ومغروره لكن قلبي طيب واحب الناس بس شكلي يوحي بل غرور لكن سمعت كلام
اتمنى لو ما سمعته في المدرسه في كل مكان لكن من قعد وقالي انك مغروره
وشاف اسلوبي يعرفني اني طيبه وعللى نياتي لكن الكلام يجرح في بعض الاحيان


وتقبل تحياتي
اختك فراشة المحبه

موج المشاعر

بنت عسل
اولا الحمد لله على كل شيء
من ناحيه صديقتك اللي ناتعرفتي عليها من زمان اعتبري الموضوع عادي ممكن تكون صديقتك هذي بسن معين من عمرها
ماتوافق تفكيرك وممكن لو تعرفتي عليها هذاك الوقت ممكن ماتعجبك ابدا
وافضل استخدم كلمه ماتتوافقون فكريا بدل كلمه ماتعجبك

الحياه مدرسه لبني آدم كل يوم نتعلم
صاحبتك اللتي تقولين ماعرفتيها الا بالثانوي وصرتي تعرفين قدرها وغلاها بقلبك الحين بس
يخليك تتمسكين فيها اكثر وتفهمين اكثر واكثر معنى الصداقه الصادقه

عموما اتمنى لك التوفيق بحياتك ودنياك ومستقبل ايامك
تحياتي
اخوك
موج المشاعر

موج المشاعر

الوحداويه
امنيه رائعه وواقعية تدل على وعيك الوضح وحبك لوطنك ودينك

اللي اقول لك هنا كرد لكلامك مافات شيء انشاء الله نقدر نحن كأفراد من تقويم المجتمع
فيه مثل امريكي انا مؤمن فيه يقول لو كل شخص نظف اوراق الاشجار امام باب بيته اصبح الشارع نظيف

انا مؤمن لو كل انسان قدر يقوم نفسه ثم بدى بتقويم اهله واخوانه ثم اقاربه وكل شخص سوى نفس الشيء
اصبح المجتمع محتمع قويم معتدل

نرجع ونقول مافات شيء
اتمنى لك التوفيق
تقبلي تحياتي
اخوك
موج المشاعر

موج المشاعر

ضوء
امنتيك الاولى وهي كونك من اصحاب الرسول عليه افضل الصلاه والسلام امر محبب لنا جميعا
صحيح انها مستحيله الحدوث حاليا لكن يخوي تقدر تحققها
ولا تستغرب
العمل بما يرضي الله والتوفيق بين الحياه والدين بما يرضي الله واقامه فروض الله عز وجل تظمن دخول الانسان الجنه
بإذن الله وكلنا نعلم ان مثوى الرسول الكريم الاخير هو الجنه
حينها تستطيع رؤيته ورؤيه اصحابه

يعني انشاء الله مافاتك شيء



من ناحيه امنيتك الثانيه الحب اللذ دام ست سنوات وانتهى بلحظه وبحب انسانه لا تعرف الحب كما تقول
اولا الحمد لله رب العالمين لو البنت اللي تقول تحبها طول هالوقت مكتوبه لك صدقيني ماتروح لغيرك بس الله ماكتبها لك
وانت المفروض ماتندم على شيء ربك ماكتبه لك
والبنت اللي اخذتها لاتظلمها وصدقني مافيه احد مايعرف الحب
انت تعودت على البنت الاولى او الحب الاول بكل اساليبها وتعودت على طبعها
فلا تظلم هالبنت معاك وانا ماقول طلقها لكن حبها يخوي
البنت ماجتك البيت وطلبت يدك بالعكس كانت ببيتها وانت اللي جيتها فحرام تعيشها عيشه تكرهها نفسها
حاول تتقرب لها وصدقني هذي زوجتك وصندوق اسرارك وشريكة حياتك شوف كبر هالكلمه شرييييكه حياتك
يعني نصف ماتملك بجسمك مفروض يكون لها وهي بالعكس
تقرب لها يخوي وحسسها بحنانك تراها مسكينه وصدقني بس تلقى تجاوب منك بتشوف شلون هالبنت اكبر واجمل مما تتصور

الله يوفقك واتمنى اشوفك توافقني بكلامي وتوافقني النتيجه
اتمنى لك التوفيق من كل قلبي
تقبل تحيتي
اخوك
موج المشاعر

موج المشاعر

ألطيف
من ناحيه موضوع اجدادك او الزمن القديم الفائت انا معاك انه زمن رجوله وشهامه ونظافه قلب
لكن يالغالي لنا زمن ولهم زمن اسلوب حياتنا تغير مطامعنا بالدنيا كثرت ماعاد فيه خوف مثل اول
ولا حاجه مثل اول
من زمان كانوا اهلنا وابائنا يتقربون لبعضهم لعده اسباب كان منها الخوف والضعف والحاجه
كانت القبائل تتحارب لغرض الفيد والحصول على لقمه ترضيهم
فكان افراد القبيله بتقربون لبعضهم خوفا على بعضهم البعض نعلم جميعنا انهم كانوا يتكلمون على بعضهم البعض
ويتضاربون ولكن حين تشرق الشمس لاتجد اي ذكرى مما حدث البارحه بل وقد تكون قبل ذلك بمجرد اللجوء للنوم

صدقني زمنهم صعب به من الفقر الكثير والجوع والتعب والارهاق واسهل الامراض لا تجد لها علاجا !!

انا بسنه من السنين مات جدي وجدتي وثلاثه من عماني وعمتي كلهم بسبب مرض الانفلونزا اللي كانوا يسمونه الطاعون
تصدق هالشيء ؟؟

زمنهم حلو بالصدق والصراحه واللي بقلب الواحد يقوله محد يشيل بقلبه شيء ابدا وبقربهم من بعض وخوفهم على بعض
ماتلاحظ لا قدر الله لو فيه عزا تلقى الشياب يبكون اكثر مننا ليش ؟؟؟
لاننا ماعشنا مثلهم ماحسينا بغلا الشخص المتوفي مثلهم او بالاحرى ماحسينا بمعنى فقدان شخص قريب وعزيز


عزيزي انا اقول مافات شيء نقدر نتقرب من بعضنا ونحظن بعضنا ونسيطر على مشاعرنا ونحب بعضنا
انشاء الله مافات شيء




من ناحيه التخصص فهذا امر ممكن مايكون مكتوب لك (( حاليا ))
وراجع واقول مافات شيء تقدر تدرس مرة اخرى الدراسه مو عيب لو تقدم العمر والعلم مطلوب من المهد الى اللحد

لاتخلي شيء من طموحك وتذكر الانسان يعيش بالدنيا مرة واحده

اتمنى لك التوفيق وتطمني على اخبارك
تقبل تحيتي
اخوك
موج المشاعر