منتديات بنت السعوديه

باربي السعوديه :: عضو مبدع ::

لوني المفضل : Cadetblue رقم العضوية : 49806 تاريخ التسجيل : Aug 2006 فترة الأقامة : 2114 يوم أخر زيارة : 10-02-2009 العمر : 20 المشاركات : 2,274 [ + ] عدد النقاط : 30

الموضوع طويل شوي بس انا تأثرت به كثير
وهذا هو الواقع اللي نعيشه للأسف


على فكره حبيت انوه ان الاسامي اللي موجوده ليست لاشخاص حقيقين انما هي لضرب مثال

منقووووول


كلمة .. هي سبب الفضائح كلها


¤©§][§©¤][ هـل هـي هـنــا ][¤©§][§©¤



طيب وانت ايش اسمك

انا خالد

هلا والله يا خالد .. تصدق هذي اول مرة اكلم احد .. بس ما ادري ليه

انت بالذات لفت نظري

حتى انت صراحه كنت خايف مرة وانا اعطيك الرقم .. حسيت كل الناس

تطالع فيني

بس خلينا يا خالد نتفق على شي ..

انت تأمرى امر يا ريم

اياك في يوم تقول ابغى اشوفك ولا اطلعي معي ولا هالحركات .. لأنه

مستحيل يصير كذا بيننا مهما حصل

افا عليك يا ريم ويش شايفتني .. يا بنت الناس انا ما ارضى عليك إلا

إلي ارضاه على اختي




¤©§][§©¤][ هـل هـي هـنــا ][¤©§][§©¤



اقول يا خلود .. بس ودي اشوفك .. اخص عليك .. لو من بعيد

مستحيل يا مشاري .. انا عمري ما سويت كذا .. اهلي لو شافوني ولا

شكوا فيني رايحين يقتلوني .. طلبت صورة واعطيتك اياها .. يعني خلاص

شفتني

يا بنت الحلال .. لو ألف صورة ما تغني عيوني عنك .. بعدين انا متاكد

إنك احلى مية مرة من كل الصور .. ويش دراني يمكن هذي صور صاحبتك

معقول .. انت تظن فيني كذا .. حرام عليك .. وانا الي اقول عليك

تحبني

يا بنت الناس والله احبك .. ليه ما تقدري الشوق الي في قلبي .. ويش

شايفتني حجر .. بس من بعيد .. ولو مرة وحده .. ولو اموت بعدها ..

بس من بعيد

طيب خلاص .. مر جنب الباب وانا رايحه افتح الباب وشوفني

ما ينفع .. افرضي احد معدي من اخوانك ولا جيرانكم .. ويش يقول

عليك .. صدقيني انا خايف عليك مو على نفسي .. خليها في البقاله الي

جنبكم ولا في المركز .. اشوفك واروح .. نفسي مرة امتع عيوني بيك ..

ليه تستكثري علي الفرح

خلاص ابشر يا مشاري .. بس عشان تعرف إني احبك





¤©§][§©¤][ هـل هـي هـنــا ][¤©§][§©¤



يا منال .. صدقيني .. بس ناخذ لفه .. يعني وين حنروح

ابد يا سعود .. لو ايش صار .. مستحيل اطلع معاك

وليه بس يا بنت الناس يعني ويش حيصير .. رايح اكلك .. انت عارفتني

انا متربي .. ولا عندك شك في كذا

ايه حبيبي اعرفك زين .. بس صعب علي صدقني

قولي إنك مانت واثقة فيني

انا .. ما اثق فيك .. حرام عليك

ايه .. طبعا .. ولا أخذتني تسلية

كيف تقول هذا الكلام .. وانت عارف .. انا ليل نهار حابسه نفسي جنب

التلفون عشانك

ويش دراني .. بس انا دايما حظي كذا .. مهما سويت ما اعجب

يا ابن الحلال والله احبك بس صدقني صعب

انت الي مصعبتها .. ما جات على نص ساعه .. وارجعك معززه مكرمه ..

ارحميني .. انا والله ما انام الليل إلا وصورتك قدامي

افرض صار شي .. ما اقدر ما اقدر .. اخلاقي تمنعني

يعني يا منال .. انت عندك اخلاق .. وانا لا .. هذه اخرتها تهزئيني

انا ما هزأتك .. انت ليش صاير عصبي

انا ماني عصبي بس كلامك الي يقهر .. روحي شوفي الشباب الي يسافر

والي يصيع .. ويش طلبت انا غير شوفة عيونك من قريب .. كثير علي ..

كثير على حبيب القلب

طيب .. ويش اقول لإهلي

قولي لهم أي شي .. قولي إنك عند صاحبتك بسمه وانا آخذك من هناك نص

ساعه وارجعك وعد .. انا عمري خلفت لك وعد .. انت عارفه إني افديك

بعيوني

طيب خلاص .. نص ساعه بس .. احلف

والله

لا .. قول والي يخلي لك منال

والي يخلي لي منال



¤©§][§©¤][ هـل هـي هـنــا ][¤©§][§©¤




يا عبير خلينا ننزل .. ربع ساعه بس

ابد والله و لو دقيقه

يا عبير يا حبيبتي .. يا عيوني .. يا عمري .. ربع ساعه.. والله ربع

ساعه بس .. نفسي مرة في حياتي .. اشوفك من غير خوف .. املي عيوني

بيك .. لمتى انا وحبك والخوف عايشين سوى .. حرام عليك .. والله لو

تحبيني نصف حبي كنت نزلت

صعب يا سعد .. لو ايش صار ..ا نا طاوعتك في كل شي .. إلا هذه

طيب انت شفتيني طلعت رجال في كل شي .. يعني هذي الي بطلع فيها

خسيس .. هذا قصدك

انا ما قلت كذا

معليش .. هذا معنى كل كلامك .. إذا هذا رأيك فيني .. ليه تخليني

احبك من اول .. ليه تخليني أفكر بيك .. كيف تضحكي علي وتقولي ما

اتزوج غيرك

انا ما أضحك عليك وما راح اتزوج غيرك ولو اموت

طيب الي يسمع كلامك يقول إني رايح اغتصبك .. انا عمري شكيت فيك ..

ليه انت تشكي فيني

ومين قال إني شاكه فيك

هذا معنى كلامك .. ولا كنت نزلت .. يا بنت الناس انزلي كان يمدينا

الحين راجعين .. نفسي بس احظنك واملي عيوني بيك .. ليه انت تحبي

تعذبيني .. ليه انت قاسيه كذا .. فين حبك لي .. فين حنانك .. كل

هذا وهم

انا قاسيه !! المشكلة إني عمري ما سويت كذا .. عمري

عارف والله حبيبتي .. ومتأكد بعد .. وهذا الي مخليني متعلق بيك

ومستحيل اتزوج غيرك .. ويخليني اطلب منك أي شي ولو مستحيل لاجل إني

عارف إنك تحبيني وتثقي في حبي لك

خلاص .. بس ابيك توعدني .. خمس دقايق بالضبط .. وترجعني

اوعدك .. والي يفقدني عيونك الي هي أغلى شي في الدنيا خمس دقايق

بس .. ونكون راجعين




¤©§][§©¤][ هـل هـي هـنــا ][¤©§][§©¤



لا وليد .. حرام عليك .. انت وعدتني

يا سميره يا عمري .. مو احنا حانتزوج حنتزوج .. ولا انت حاطتني تسليه

كيف تقول هذا الكلام .. خليها ليلة الدخله ارجوووك

يا بنت الناس ما فرقت .. كلها ايام وأكون في بيتكم

لا يا وليد .. لا .. خليها لا تزوجنا .. انت وعدتني خمس دقايق

مستحيل إلا اليوم ..تبغي الصراحه ... ضربت في راسي ولاجل أظمن إنك

تكوني لي طولي حياتك

والله انا لك .. بس ارجوك خليني ارجع

سميرة .. روقينا ... كان يمدينا خلصنا .. هذا الي تقولي الحب ..

وافديك بعمري وبنفسي

ارجوك يا وليد .. افديك بعمري وانت عارف ..لكن بلاش الحين .. خليها

لاتزوجنا .. الله يخليك .. الله يستر عليك

اسمعي .. والله دقت في راسي ..ومافيها كلام .. وانت جالسه تضيعي

وقت .. ورايحه تتأخري على اهلك .. يعني الفضيحه عليك ماهي علي ..

مشيها بالطيب وخلينا نحب بعض .. بدل ما امشيها بشي ثاني

تكفى يا وليد .. تبغاني احب على يدك .. احب على رجولك .. الي انت

تبغاه اسويه .. طيب خليها بكره

لا تحبي على يدي ولا على رجولي .. احمدي ربك .. غيري لو طلعت معاه

وحده عزم عليها خوياه .. وطول عمري رجال معاك ما ناديت احد ..

خلصينا ولا تضيعي وقتك .. تراك اتأخرت على اهلك

والي يرحم والديك يا وليد .. والي يرحم والديك .. خليني ارجع وعد

اسوي الي تبغاه .. باكون خدامه عند رجولك .. والي يرحم والديك

اقول فكينا من والدينا .. مشيها بالطيب من غير ما امد يدي عليك و

تروحي البيت وملابسك مقطعه وحالتك حاله

يا وليد تكفى صورني خذ أي ضمان .. والله .. والله .. والله .. اجيك بكره

اقول .. الظاهر إنك ما راح تيجي بالأدب




¤©§][§©¤][ هـل هـي هـنــا ][¤©§][§©¤



خالد ليه ما تتصل

مشغول

ليه كل ما اتصل عليك تقفل

اقول مشغول ياريم انت ما تفهمي

لا خلاص افهم .. افهم .. يا خالد لا تزعل نفسك .. لا تعصب نفسك ..

بس .. بس .. انت وعدتني تيجي

وين اجي .. اقول لك مشغووووول .. انت ما تقدري .. ما عندك احساس ..

ما عندك تقدير .. خلاص لا فضيت اتصل

حرام عليك يا خالد .. وين ريم حبيبة قلبك إلي ما تنام إلا على صوتها

عودنا لنفس الإسطوانه

خالد انا جاني عريس

بالبركه طيب الله يهنيك

بالبركه ! .. هذه آخرتها .. ترضى كذا لأختك

اقول احترمي نفسك .. ما بقى غيرك انت تتكلم عن اخواتي





*****



المشكلة ليست هنا .. ولا في أي مكان .. الذئب كلما كان شرس زادت

حلاوة لسانه .. كلما ازداد سم الأفعى ازدادت نعومتها .. وغدا ستكون

مثله من قطيع الذئاب .. من جنس الأفاعي

المشكلة في كلمة واحده


غير

غير

غير

انا غير ..

خالد غير .. سعود غير .. مشاري غير .. وليد غير

كلهم غير .. مشاكل الفتاة في هيئة الأمر .. غير مشاكلها في

الشرطة .. غير فضائحها على الإنترنت .. غير وضع أنف أبيها في

التراب .. غير .. غير .. غير

كلا منهن تبدأ بهذه الكلمة .. مستحيل أن تتصور أنها ستكون بطلة

فضيحة أبدا .. الإنترنت ملئ بصور فتيات كانوا احرص مما تتخيلوا ..

قضايا وعار لفتيات كانوا أشرف مما تتخيلوا .. وكلها من كلمة واحده

غير

حسبي الله ونعم الوكيل في كل من باعت شرف ابوها وعرض اخوها من اجل كلمة ..
وحسبي الله ونعم الوكيل في كل من خدع .. وفضح .. وضيع شرف فتاة من

اجل لحظه ومتعه ساعه ..

---

;JJJJJgJJJJJJJlJJJJJJi id sff hgtqhzp hv[, jefdj hgl,q,u

الدانة

أنا غير

جد باربي ماني عارفة شقول لكن كلامي موجه لكل
بنت فكري مليون مره قبل ما تخسري أشياء كثيرة
بحياتك , قبل ما تخسري سمعتك و حتى أهلك
وأبي كل بنت تكون راقية و تكون عندها كرامة ترى مو أي
حد يستاهلك ما يستاهلك غير الرجال الشهم
ليش البنت ترضى بالمهانة لنفسها , ليش ترضى غريب
حقير يذلها , ليش ما تهمها سمعتها أو سمعة أهلها ليش
تسمح لواحد يعيشها بخوف ليش و ليش 00000000000
و أوجه كلامي لكل شاب إنه يخاف الله في بنات الناس
يعني إذا تبي البنت اتزوجها مو تضحك عليها وبعد ما تآخذ
إللي تبيه تتهرب حرام عليك
شاكرة لك باربي موضوعك المهم
ا ل د ا ن ة

معا ضد التماسيح

اصلا الشباب هم سبب كل بلى



سلملم

!! مدى !!

لاحول ولا قوة الا بالله.. حال بعض شبابنا وبناتنا يحزن..يقطع القلب..

الولد ذئب..والبنت شاة..

على كذا حياتهم زي حياة البهائم..العفوا على الكلمه..

بس الحيوانات ماتفكر الا بإشباع شهوتها..الجوع ..والجنس..

واللي يسوي مثلهم ..فهو منهم..

وهم بعد أفضل منا..لأن هذي طبيعتهم..

لكن إحنا أوادام..يااااااااااأوادم

..

الملاك الليلي

لاحول ولا قوة الا بالله..

بصراحه المفروض البنت في اوقات كثير
تفكر بعقلها مو بقلبها..
والمفروض انها ما تثق في احد..
لان ما في شي اسمه غير..
كل الاولاد مثل بعض..
كبير ولا صغير..
تحبة ولا لا..

حبها له ما راح يغيره ولا شي
راح يضل مثل ما هو..

,,,,,,,,,,,,,,,,,,,,,,,,,,,,,,,,,,
وبالنسبة للاولاد اللي يسون هالحركات..

ما اقول الا الله يهديهم ان شاء الله..
وتخيلوا اختكم مكان هذي البنت ..
ايش راح يكون موقفكم؟!!


..

وثاانكس عالمووضوع باربي السعودية,,

^_^

تحيااتوووو

..

بيســــــــــان

LiFe RaYs

بصراحة موضوعك .. كلام بـــلغة الشباب .. اتمنى من الأعمااق ان ينفع الله به كل فتاة وشاب .. ^^

بعض الأمور التي تمر علينا في الحياة بعضها نستطيع اتخاذ قررات صائبة فيها وببراعة .. لكن البعض الأخر نفشل فيها فشل ذريع ..
في بعض الأحيان عواطفنا تغطي عقولنا وعندما نفكر حيال ذلك الأمر الذي يروق لــصاحبنا ( القلب ) فإننا للأسف ننظر لذلك الأمر بمبدأ عواطفنا لا عقولنا وتنحجب عنا جميع النتائج السلبية المترتبة على هذا العمل الذي نقوم به .. ولا نرى سوى نتيجة واحد لهذا الأمر وهي النتيجة التي نحبها او بالأصح تلك النتيجة التي يتمناها ذلك القلب الملئ بالأماني .. ولكن يا حسرة عندما يخيب ظن ذلك الــقلب المسكين وما اكثر ما يخيب ظنه ! ..

لكن .. لو نستطيع قبل كل شيء .. قبل ان يسقط الفأس في الرأس .. وقبل ان ان يسبق السيف العذل .. ان نحول ذلك الأمر إلى عقلنا .. وان ننظر بمنظور اخر .. بمنظور العقلانية .. بعيدا عن منظور العاطفة .. عندها بالتأكيد ســنعرف كيف نتصرف بحكــمة ونتجنب زلات كثيرة .. من بينها مما تسمى بــ ( زلات العمر ) التي تعني انك ستدفع ثمنها ( حياتك ) ..

و آمل ان اكون قد اوصلت لكم الفكرة كما اردت ان تصل ..

شكرا لك اختي باربي السعودية .. ويعطيك العافية على الموضوع القليل بــحقه كلمة ( رائع ) ..

~Rayan~

****************************************************************************************************************************************************************************************************drawGradient()
[عزيزي الزائر يتوجب عليك التسجيل للمشاهدة الرابطللتسجيل اضغط هنا]

abeeeer

راااااااااااااااااائع هذه حقيقة وللأسف
حمى الله شباب وبنات المسلمين من كل سوووووووووووووووووووووووووووء
ويعطيك العافية

مرجوج بقوه

اسلوب رائع وجذاب في الطرح

بالفعل يجبر ويجذب كل من يقراءه على ان يكمله للاخر وان يرد عليه

للاسف نظرة الشباب في مجتمعنا للفتاه نظره جنسيه فقط
- لا اشمل جميع الشباب ولكن الاغلبيه العظمى -

والسبب الرئيسي .................> قلة الايمان بالله عزوجل

ولابد ان هناك اسباب اخرى اتمنى من اخواني الاعضاء طرحها

قد يكون احدها (( المجتمع ))




تقبلو مروري ولكم جل احترامي وتقديري